Tata Group ના આ શેરમાં થશે મોટી કમાણી, બ્રોકરેજે આપ્યો નવો ટાર્ગેટ, ઝુનઝુનવાલાએ કર્યું છે રોકાણ

Tata Motors: 600 રૂપિયાનો ટાર્ગેટ
મોતીલાલ ઓસવાલે પોતાના ટોપ રિસર્ચ આઇડિયામાં ટાટા મોટર્સ પર દાવ લગાવ્યો છે. બ્રોકરેજે 600 રૂપિયાની ટાર્ગેટ પ્રાઇઝ સાથે બાય રેટિંગ આપી છે. પરંતુ પહેલાં ટાર્ગેટ પ્રાઇઝ 610 રૂપિયાની હતી. બ્રોકરેજે રોકાણ માટે ટાઇમ ફ્રેમ એક વર્ષથી વધુ રાખી છે. 14 ફેબ્રુઆરી 2022ના ટાટા મોટર્સના શેરનો ભાવ ટ્રેડિંગ સેશન દરમિયાન 475 રૂપિયા આસપાસ રહ્યો હતો. આ રીતે હાલના ભાવથી આગળ રોકાણકારોને પ્રતિ શેર 26 ટકાની આસપાસ રિટર્ન મળી શકે છે. છેલ્લા એક વર્ષની વાત કરીએ તો આ શેરમાં આશરે 43 ટકાની તેજી જોવા મળી છે. 

આ પણ વાંચોઃ Indian Railway: રેલ યાત્રિકો માટે મોટી ખુશભબર, આજથી શરૂ કરવામાં આવી આ ખાસ સેવા

રાકેશ ઝુનઝુનવાલાનો ફેવરેટ સ્ટોક
ટાટા ગ્રુપના શેર ટાટા મોટર્સમાં દિગ્ગજ રોકાણકાર રાકેશ ઝુનઝુનવાલાના પોર્ટફોલિયોનો ફેવરેટ સ્ટોક રહ્યો છે. ડિસેમ્બર 2021 ક્વાર્ટરના શેરહોલ્ડિંગની પેટર્ન પ્રમાણે રાકેશ ઝુનઝુનવાલાની ટાટા મોટર્સમાં 1.2 ટકા (39,250,000 ઇક્વિટી શેર) ભાગીદારી છે. તેમાં રાકેશ ઝુનઝુનવાલાએ આ સ્ટોકમાં પર્સનલ કેપેસિટીમાં રોકાણ કર્યું છે. ડિસેમ્બર ક્વાર્ટરમાં ઝુનઝુનવાલાએ ટાટા મોટર્સમાં 25 લાખ શેર ખરીદ્યા હતા. 14 ફેબ્રુઆરી 2022ના તેની વેલ્યૂ 1,884.4 કરોડ રૂપિયા રહી. ટ્રેન્ડલાઇન પ્રમાણે રાકેશ ઝુનઝુનવાલાના પોર્ટફોલિયો માં હાલ 37 શેર છે, જેની નેટવર્થ  33,571.3 કરોડ રૂપિયાથી વધુ છે. 

(Disclaimer: અહીં રોકાણ કરવાની સલાહ બ્રોકરેજ હાઉસ દ્વારા આપવામાં આવી છે. આ ઝી 24 કલાકના વિચાર નથી. બજારમાં જોખમ હોય છે. રોકાણ પહેલાં નિષ્ણાંતો સાથે ચર્ચા જરૂર કરો)

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube