મોબાઈલ માર્કેટ પર જોવા મળશે યુક્રેન-રશિયા વોરની અસર, વધી શકે છે ભાવ

આ રીતે થશે અસર
રિપોર્ટ અનુસાર યુક્રેન નિયોન ગેસનો સૌથી મોટો ઉત્પાદક દેશ છે. આ ગેસનો ઉપયોગ ચિપ બનાવવા માટે વપરાતા લેસર માટે થાય છે. આ U.S. Semiconductor-Grade Neon નો 90 ટકા ભાગ મોકલે છે. ત્યારે પેલેડિયમના કિસ્સામાં વિશ્વની નિર્ભરતા રશિયા પર જ છે. રશિયા તેના 35 ટકા સપ્લાય કરે છે. આ દુર્લભ ધાતુનો ઉપયોગ સેમિકન્ડક્ટર બનાવવા માટે પણ થાય છે. હવે રશિયા અને યુક્રેન વચ્ચે તણાવ હોવાથી ઘણી કંપનીઓને તેની અસર થશે. આ સિવાય અમેરિકાના પ્રતિબંધોને કારણે રશિયા તરફથી માઈક્રોચિપનો સપ્લાય પણ બંધ થઈ જશે.

શું છે વિકલ્પ
આ કંપનીઓ પાસે ચીન, અમેરિકા અને કેનેડાનો વિકલ્પ હોઈ શકે છે. આ કંપનીઓ ત્યાંથી આ વસ્તુઓનું સંચાલન કરી શકે છે, પરંતુ તે અપૂરતી અને ખૂબ જ ધીમી હશે. જો રશિયા અને યુક્રેન વચ્ચે 8-10 દિવસ સુધી યુદ્ધ ચાલુ રહે છે, તો 15-20 દિવસ પછી આ મોબાઈલ કંપનીઓ માટે વસ્તુઓનું સંચાલન કરવામાં સમસ્યા આવી શકે છે. જેના કારણે સેમિકન્ડક્ટર અને મોબાઈલમાં વપરાતી માઈક્રોચિપ્સનો સપ્લાય પણ અટકી જશે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube