સકારાત્મક વૈશ્વિક સંકેતોથી બજાર માલામાલ, સેન્સેક્સમાં 635 પોઈન્ટનો વધારો

મુંબઈઃ શેર બજારમાં ગુરૂવારે ખરીદારી વધી ગઈ હતી. સેન્સેક્સ 634.61 પોઈન્ટના વધારા સાથે  41,452.35 પર બંધ થયો હતો. કારોબાર દરમિયાન 41,482.12ના ઉપલા સ્તર સુધી પહોંચ્યો હતો. નિફ્ટી 190.55 પોઈન્ટના વધારા સાથે 12,215.90 પર બંધ થયો હતો. ઈન્ડ્રા-ડેમાં 12,224.05 સુધીનો વધારો થયો હતો. આ 9 ઓક્ટોબર બાદ એક દિવસમાં સૌથી મોટી તેજી છે. વેપારીઓ પ્રમાણે બીજા એશિયન માર્કેટમાં મળેલા સકારાત્મક સંકેતને કારણે ભારતીય બજારમાં તેજી આવી હતી. અમેરિકાના રાષ્ટ્રપતિ ડોનાલ્ડ ટ્રમ્પે બુધવારે ઈરાનની સાથે શાંતિપૂર્ણ સમાધાનનો પ્રસ્તાવ રાખ્યો હતો. તેથી અમેરિકા અને મુખ્ય એશિયન બજાર પર સકારાત્મક અસર થઈ હતી.