નવી દિલ્હીઃ સપ્ટેમ્બરનો મહિનો સમાપ્ત થવાનો છે. હજુ થોડા દિવસ બાકી છે. આગામી મહિને એટલે કે ઓક્ટોબરમાં પૈસા સાથે જોડાયેલા ઘણા નિયમ (Rules Changes From October 2023) બદલવાના છે. તેની સીધી અસર આમ આદમીના ખિસ્સા પર પડશે. આ નિયમો વિશે તમને જાણકારી હોવી જોઈએ. આમ ન હોવા પર તમારે મુશ્કેલીનો સામનો કરવો પડી શકે છે. આજે અમે તમને ઓક્ટોબરમાં થનારા ફેરફાર વિશે જાણકારી આપી રહ્યાં છીએ, જેથી તમને કોઈ સમસ્યા ન થાય. આવો જાણીએ ઓક્ટોબરમાં કયા-કયા ફેરફાર થશે.
ફટાફટ બદલો નોટ
જો તમારી પાસે બે હજાર રૂપિયાની નોટ છે તો તરત જ કરો આ કામ. રિઝર્વ બેંકે સપ્ટેમ્બર 2023 સુધીમાં 2000 રૂપિયાની નોટ બદલવાની સમયમર્યાદા આપી છે. આ પછી આ નોટો કામ નહીં કરે. આવી સ્થિતિમાં બે હજાર રૂપિયાની નોટ ચોક્કસપણે બદલો. જો તમે આવતા મહિનાથી ફોરેન ટૂર પેકેજ ખરીદવાનું વિચારી રહ્યા છો, તો જો તમે રૂ. 7 લાખથી ઓછાનું ટૂર પેકેજ ખરીદો છો તો તમારે 5% TCS ચૂકવવો પડશે. 7 લાખથી વધુના ટૂર પેકેજ પર 20 ટકા TCS ચૂકવવો પડશે.
આ પણ વાંચોઃ કમાલનો IPO: 4 મહિનાની અંદર 325% નું રિટર્ન, 1 લાખના બની ગયા 4 લાખ રૂપિયા
એકાઉન્ટ ફ્રીઝ કરવામાં આવશે
તમને જણાવી દઈએ કે સેબીએ ડીમેટ અને ટ્રેડિંગ એકાઉન્ટ્સમાં નોમિનેશન ફરજિયાત બનાવ્યું છે. તેની અંતિમ તારીખ 30 સપ્ટેમ્બર 2023 ના રોજ સમાપ્ત થાય છે. જો કોઈ ખાતાધારક આ તારીખ સુધીમાં નોમિનેશન નહીં કરે તો 1 ઓક્ટોબરથી એકાઉન્ટ ફ્રીઝ કરવામાં આવશે. આવી સ્થિતિમાં તમે ડીમેટ અને ટ્રેડિંગ ઓપરેટ કરી શકશો નહીં. અગાઉ, સેબીએ ડીમેટ અને ટ્રેડિંગ એકાઉન્ટના નોમિનેશન માટેની અંતિમ તારીખ 31 માર્ચ નક્કી કરી હતી, જે પાછળથી છ મહિના સુધી લંબાવવામાં આવી હતી.
બચત ખાતામાં આધાર ફરજિયાત છે
હવે નાની બચત યોજનાઓમાં આધાર ફરજિયાત બની ગયું છે. PPF, SSY, પોસ્ટ ઓફિસ સ્કીમ વગેરેમાં આધારની માહિતી દાખલ કરવી જરૂરી છે. જો તમે આમ ન કરો તો તરત જ બેંક અથવા પોસ્ટ ઓફિસમાં જાઓ અને આ માહિતી દાખલ કરો. જો આમ નહીં કરવામાં આવે તો 1 ઓક્ટોબર, 2023થી આ ખાતાઓ ફ્રીઝ કરવામાં આવશે.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે