ઓ બાપ રે! મુકેશ અંબાણીની પાર્ટીમાં આવો હતો નજારો ! ચાંદીની પ્લેટ અને 500ની નોટ સાથે પીરસાયો હતો હલવો ; ફોટા જુઓ

ક્રિકેટ, રાજકારણ અને બોલિવૂડ જગતની હસ્તીઓએ આપી હાજરી
NMACC લોન્ચ કાર્યક્રમ દરમિયાન, ફોટામાં દેખાતી સ્વીટ ડીશ સાથે રૂ. 500ની નોટો મૂકવામાં આવી હતી. આ નોટો સાથે પાર્ટીમાં આવનાર મહેમાનોને આ વાનગી પીરસવામાં આવી હતી. કદાચ તમે પણ પહેલીવાર ફોટો જોઈને ચોંકી જશો. પરંતુ તમને જણાવી દઈએ કે આ 500 રૂપિયાની વાસ્તવિક નોટો નથી. મુંબઈના Jio વર્લ્ડ સેન્ટર ખાતે 1લી એપ્રિલે નીતા મુકેશ અંબાણી કલ્ચરલ સેન્ટર (NMACC)ની લોન્ચિંગ પાર્ટીના અવસર પર બોલિવૂડ-હોલીવુડની સાથે સાથે ક્રિકેટ અને બિઝનેસ જગતની અનેક હસ્તીઓ હાજર રહી હતી.

ભોજનમાં જોવા મળી સ્પેશિયલ ભારતીય થાળી
આ દરમિયાન મહેમાનોને ભોજનમાં ખાસ ભારતીય થાળી પીરસવામાં આવી હતી. મહીપ કપૂરે પાર્ટીની એક તસવીર શેર કરી છે. આ ફોટામાં દેખાતી ચાંદીની થાળીમાં ઘણા બાઉલ રાખવામાં આવ્યા છે. આમાં તમે રોટલી, દાળ, પાલક પનીર, કઢી, હલવો, સ્વીટ ડીશ, પાપડ અને લાડુ વગેરે જેવી ઘણી વાનગીઓ જોઈ શકો છો. આ થાળીમાં કેટલીક ગુજરાતી વાનગીઓ પણ સામેલ કરવામાં આવી હતી. પ્લેટ પર વાઇનનો ગ્લાસ પણ દેખાય છે. NMACCનું ઉદઘાટન 31મી માર્ચે મુંબઈમાં થયું હતું. તે બીજા દિવસે એટલે કે 1 એપ્રિલે લોન્ચ કરવામાં આવ્યું હતું. આ દરમિયાન કલાકારો સિવાય સ્પોર્ટ્સ અને બિઝનેસ જગત સાથે જોડાયેલી તમામ હસ્તીઓએ ભાગ લીધો હતો.

આ તકે સુપરસ્ટાર રજનીકાંત, આમિર ખાન, રણવીર સિંહ, દીપિકા પાદુકોણ, પ્રિયંકા ચોપડા, વરૂણ ધવન, સોનમ કપૂર, અનુપમ ખેર, જાવેદ અખ્તર, શબાના આઝમી, સુનીલ શેટ્ટી, શાહિદ કપૂર, વિદ્યા બાલન, આલિયા ભટ્ટ, દીયા મિર્ઝા, શ્રદ્ધા કપૂર, શ્રેયા ઘોષાલ, રાજૂ હિરાની, તુષાર કપૂર જેવી બોલીવુડની હસ્તિઓ સામેલ થઈ હતી. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube