ફરી એકવાર સસ્તી હેચબેક કારનો દબદબો, જાણો દેશમાં સૌથી વધુ વેચાતી 10 ગાડીઓનું લિસ્ટ

Maruti ની સસ્તી ગાડીઓની ધમાલ
ગયા મહિને દેશની સૌથી વધારે વેચાતી કાર મારુતિ સુઝુકી વેગેનાર રહી છે. તેના કુલ 24,634 યુનિટ્સ વેચાયા છે. આ રીતે વેગેનઆરે માર્ચ 2021 માં વેચાયેલા 18757 યુનિટ્સની સરખામણીએ 31.33 ટકાનો ગ્રોથ કર્યો છે. તમને જણાવી દઈએ કે, મારુતિએ માર્ચમાં જ વેગેનઆરને અપડેટ કરી નવા અવતારમાં લોન્ચ કરી છે. તેની કિંમત 5.39 લાખ રૂપિયાથી લઇને 7.1 લાખ રૂપિયા સુધી છે.

Zomato અને Swiggy સામે તપાસના આદેશ, જાણો શું છે બમ્પર ડિસ્કાઉન્ટનો ખેલ!

ટોપ 5 ગાડીઓનું લિસ્ટ
લિસ્ટમાં બીજા સ્થાન પર મારુતિ ડિઝાયર અને તીજા સ્થાન પર મારુતિ બલેનો છે. માર્ચ 2022 માં આ કારના ક્રમશ: 18,623 યુનિટ્સ અને 14,520 યુનિટ્સ વેચાયા છે. આ રીતે ચોથા સ્થાન પર  ટાટા નેક્સોન છે, જે 14315 યુનિટ્સ સથે દેશની સૌથી વધારે વેચાતી એસયુવી બની ગઈ છે. પાંચમાં નંબર પર મારુતિ સુઝુકી સ્વિફ્ટ છે, જેના ગયા મહિને 13,623 યુનિટ્સ વેચાયા હતા.

IPL માં મળ્યો બુમરાહ કરતા પણ ખતરનાક બોલર, મોટામાં મોટા બેટિંગ ઓર્ડરના કાઢ્યા છોતરાં

ટોપ 10 ગાડીઓનું લિસ્ટ
લિસ્ટમાં છઠ્ઠા સ્થાન પર મારુતિ બ્રેઝા અને સાતમાં સ્થાન પર હ્યુંડાઈ ક્રેટા રહી છે. માર્ચ 2022 માં તેના ક્રમશ: 12,439 યુનિટ અને 10,532 યુનિટ્સ વેચાયા છે. આઠમાં સ્થાન પર ટાટા પંચ રહી, જેના 10,526 યુનિટ્સ વેચાયા છે. આ રીતે નવમાં અને દસમાં સ્થાન પર હ્યુંડાઈ i10 નિઓસ અને મારુતિ ઇકો રહી છે. જેના ક્રમશ: 9,687 યુનિટ્સ અને 9,221 યુનિટ્સ વેચાયા છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube