સરકારી બેંકોના મર્જરની તૈયારી, સરકારે RBIને આપ્યા નિર્દેશ

દુનિયાની 10 મોટી અર્થવ્યવસ્થાઓમાં ભારતનો ઇટલી બાદ બીજો નંબર છે જેનો બેડ લોન રેશિયો સૌથી વધુ છે. ભારત ઘણા વર્ષોથી તેનો સામનો કરવાનો પ્રયત્ન કરી રહ્યું છે. 90 ટકા NPA સરકારી બેંકોનું છે. 21 સરકારી બેંકોમાંથી 11 આરબીઆઇની નજર હેઠળ ઇમરજન્સી પ્રોગ્રામ હેઠળ કામ કરી રહી છે. તેના પર નવી લોન આપવાનો પ્રતિબંધ લગાવી દીધો છે. 

બેંક ઓફ બરોડાના ચેરમેન રવિ વેંકટેશને ગત મહિને કહ્યું હતું કે જો બજારમાં વધુ વેઠવું નથી તો સરકારી બેંકોનું મર્જર જરૂરી છે. હાલ નાણાકીય વર્ષમાં લગભગ 70 ટકા ડિપોઝિટ પ્રાઇવેટ બેંકોમાં જતી રહી છે. બેંકોની નબળી બેલેંસ શીટના લીધે બેંકોની પૂંજી સરકાર પર નિર્ભર થઇ ગઇ છે.