Medicine Banned: સરકારે નિમેસુલાઈડ અને સોલ્યુબલ પેરાસિટામોલ દવા તેમજ ક્લોફેનિરામાઈન મૈલેટ તેમજ કોડીન સીરપ સહિત 14 એફડીસી દવાઓ પર પ્રતિબંધ મુક્યો છે. સરકારનું કહેવું છે કે આ દવાઓ લોકો માટે જોખમરુપ સાબિત થઈ શકે છે. એફડીસી દવાઓ એટલે એવી દવા જેમાં એક નિશ્ચિત રેશિયોમાં એક કે બેથી વધુ સક્રીય દવાની સામગ્રીનું મિશ્રણ હોય.
ફિક્સ્ડ ડોઝ કોમ્બિનેશનવાળી આ દવાઓ પર પ્રતિબંધ મુક્યાની સુચના કેન્દ્રીય સ્વાસ્થ્ય મંત્રાલય દ્વારા શુક્રવારે આપવામાં આવી હતી. સરકારે આ નિર્ણય ખાસ સમિતિની ભલામણ પછી લીધો છે. નિષ્ણાંતોની સમિતિએ સરકારને જણાવ્યું હતું કે આ દવાઓનું કોઈ ઔચિત્ય નથી અને તે લોકો માટે જોખમી છે. તેથી જનહિતને ધ્યાનમાં રાખી આ પ્રકારની દવાઓના વિચાણ અને વિતરણ પર પ્રતિબંધ મુકવો જરૂરી છે.
આ પણ વાંચો:
ભુક્કા કાઢી નાખી એવું આપશે રિટર્ન : રૂપિયા ના હોય તો ઉછીના લઈને કરો રોકાણ
એક સમયે આ ઘરમાં ભાડે રહતો અંબાણી પરિવાર, મુકેશ અંબાણી માટે ખૂબ જ ખાસ છે આ ઘર
તુલસી કરશે માલામાલ, 15,000ના ખર્ચે કમાણી થશે 2થી 3 લાખ, જાણો કેવી રીતે શરુ કરવી ખેતી
આ દવાઓ પર મુકાયો પ્રતિબંધ
જે દવાઓ પર પ્રતિબંધ મુકાયો છે તેમાં વાયરલ ઈન્ફેકશન, ઉધરસ અને તાવની સારવારની દવાઓનો સમાવેશ થાય છે. જે નીચે દર્શાવ્યા અનુસાર છે.
ક્લોફેનિરામાઈન મૈલેટ + કોડીન સીરપ,
ફોલકોડાઈન + પ્રોમેથાજિન
એમોક્સિસિલિન + બ્રોમહેક્સિન
બ્રોમહેક્સિન + ડેક્સટ્રોમેથોર્ફન + અમોનિયમ ક્લોરાઈડ + મેન્થોલ
પેરાસિટામોલ + બ્રોમહેક્સિન + ફિનાઈલફ્રાઈનન + ક્લોરફેનિરામાઈન + ગુઈફેનિસિન
સાલબુટામોલ + બ્રોમહેક્સિન
મહત્વનું છે કે વર્ષ 2016માં પણ સરકારે 344 દવા સંયોજનના નિર્માણ પર પ્રતિબંધ મુક્યો હતો. આ પ્રતિબંધને કોર્ટમાં પડકારવામાં આવ્યો હતો. હાલમાં જે દવા પ્રતિબંધિત કરવામાં આવી હતી તે આ 344 દવાના સંયોજનનો એક ભાગ છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે