1750 રૂપિયા સસ્તા થયા સોના-ચાંદી, જુઓ 14થી 24 કેરેટ ગોલ્ટનો ભાવ

MCX પર આ સપ્તાહે સોના-ચાંદીનું પ્રદર્શન

આ સપ્તાહે એમસીએક્સ પર સોનું 71582 રૂપિયા પ્રતિ દસ ગ્રામ પર બંધ થયું. પાછલા સપ્તાહે તે 71584 રૂપિયા પ્રતિ દસ ગ્રામ પર બંધ થયું. તેવામાં કિંમતમાં સાપ્તાહિક આધાર પર કોઈ ફેરફાર થયો નથી. ચાંદીની વાત કરીએ તો તે 89540 રૂપિયા પ્રતિ કિલોગ્રામ પર બંધ થઈ છે. પાછલા સપ્તાહે તે 91289 રૂપિયા પ્રતિ કિલોગ્રામ પર બંધ થઈ હતી. તેવામાં કિંમતમાં આશરે 1750 રૂપિયા પ્રતિ કિલોગ્રામનો ઘટાડો થયો છે. 

આ પણ વાંચોઃ તમારી પત્ની ઘરે બેઠા કરાવી શકે છે 5 લાખ રૂપિયાથી વધુની કમાણી, સમજો કઈ રીતે થશે આ કામ

અમેરિકી લેબર ડેટાથી સોના-ચાંદીમાં મળી રહ્યો છે સપોર્ટ
ઈન્ટરનેશનલ માર્કેટમાં કોમેક્સ પર ગોલ્ડ 2337 રૂપિયા પ્રતિ ઔંસ પર બંધ થયું. ચાંદીનો ભાવ 29.43 ડોલર પ્રતિ ઔંસ રહ્યો. આ વર્ષે અત્યાર સુધી ચાંદીમાં આશરે 19 ટકા અને સોનામાં આશરે 10 ટકાની તેજી આવી છે. HDFC સિક્યોરિટીના એનાલિસ્ટ દિલીપ પરમારે કહ્યુ કે અમેરિકામાં બેરોજગારીના આંકડાથી સોનાની કિંમતમાં ત્રણ દિવસમાં પ્રથમવાર તેજી આવી છે. આ આંકડાથી જાણવા મળે છે કે અમેરિકી શ્રમ બજાર નબળું પડી રહ્યું છે. તેમાં અમેરિકી કેન્દ્રીય બેન્ક ફેડરલ રિઝર્વના વ્યાજદરમાં જલ્દી ઘટાડાની સંભાવના મજબૂત થઈ છે.

MCX પર સોના માટે પ્રતિકાર અને સમર્થન ક્યાં છે?
HDFC સિક્યોરિટીઝના એનાલિસ્ટ સૌમિલ ગાંધીએ કહ્યુ કે ચાર સપ્તાહ બાદ સોનાના ભાવમાં તેજી આવી છે. આ સપ્તાહે દુનિયાની છ મુખ્ય કરન્સીના મુકાબલે ડોલર પાંચ સપ્તાહના હાઈ પર બંધ થયો. આંતરરાષ્ટ્રીય માર્કેટમાં ગોલ્ડ 2285-2339 ડોલરની રેન્જમાં કંસોલિડેટ કરી રહ્યું છે. કોઈ પ્રકારે રેન્જમાં બ્રેક નવા ટ્રેન્ડની શરૂઆત થશે. એમસીએક્સ પર ગોલ્ડ માટે  71090/70750 રૂપિયાની રેન્જમાં સપોર્ટ છે.

આ પણ વાંચોઃ કેન્દ્રીય કર્મચારીઓને મળશે મોટી ભેટ! 18 મહિનાના ડીએ એરિયર્સ પર આવ્યું નવું અપડેટ

24 કેરેટ ગોલ્ડનો લેટેસ્ટ ભાવ
IBJA એટલે કે ઈન્ડિયન બુલિયન જ્વેલર્સ એસોસિએશનની વેબસાઇટ પર ઉપલબ્ધ જાણકારી પ્રમાણે 24 કેરેટ સોનાનો ભાવ 7184 રૂપિયા પ્રતિ ગ્રામ રહ્યો. 22 કેરેટનો ભાવ 7011 રૂપિયા, 20 કેરેટનો ભાવ 6293 રૂપિયા, 18 કેરેટનો ભાવ 5819 રૂપિયા અને 14 કેરેટનો ભાવ 4633 રૂપિયા પ્રતિ ગ્રામ રહ્યો. તેમાં 3 ટકા જીએસટી અને મેકિંગ ચાર્જ સામેલ નથી. જ્યારે ચાંદીનો ભાવ 88000 રૂપિયા પ્રતિ કિલોગ્રામ રહ્યો હતો.