નવી દિલ્હીઃ દુનિયાભરમાં સતત પેટ્રોકેમિક્સના ભાવ વધતા જાય છે. જેને કારણે સતત પેટ્રોલ-ડિઝલના ભાવમાં પણ વધારો થઈ રહ્યો છે. આ સ્થિતિની વચ્ચે સામાન્ય માણસોને કઈ રીતે રાહત મળી શકે તે વિષય પર વિચાર કરવામાં આવી રહ્યો છે. જે અંતર્ગત ભારત સરકાર દ્વારા ઈલેક્ટ્રિક વાહનોને પરમિશન આપવામાં આવી છે. ત્યારે હવે બજારમાં ઈવી ની માંગ વધી રહી છે. ટૂ-વિલર હોય કે ફોર વિલર્સ ઈવી ની માંગમાં વધારો થઈ રહયો છે. જેને કારણે વીમા કંપનીઓ પણ હવે આ માર્કેટ કવર કરવા મેદાનમાં ઉતરી પડી છે.
ઉલ્લેખનીય છેકે, વધતી જતી ઈંધણની કિંમતો સામે એક બીજો વિકલ્પ પ્રસ્થાપિત કરવા માટે અને સાથો-સાથ ઈંધણથી થતાં પ્રદૂષણને અટકાવવા માટે ઈલેક્ટ્રિક વાહનો શ્રેષ્ઠ વિકલ્પ સાબિત થઈ શકે છે. ત્યારે ઈવી ને પ્રમોટ કરવા સરકારની સાથો-સાથ હવે વીમા કંપનીઓ પણ મેદાનમાં કુદી પડી છે. પર્યાવરણને વેગ આપવા માટે અને ઇંધણની કિંમતો સતત વધી રહી છે અને ઇન્ટરનલ કમ્બશન એન્જિનવાળા (ICE) વાહનોમાંથી ભારે કાર્બન ઉત્સર્જનના કારણે ઇલેક્ટ્રિક વાહનોને કેન્દ્ર સરકાર તેમજ ગ્રાહકો સતત પ્રાધાન્ય આપી રહ્યાં છે.
વીમા કંપનીઓ વિવિધ પ્રકારના વીમા કવર ઓફર કરે છે. EV વીમો ખરીદતી વખતે કઈ-કઈ બાબતો ધ્યાનમાં રાખવી?
વ્યાપક વીમા કવર:
ઇલેક્ટ્રિક વાહનો ઇંધણ આધારિત વાહનો કરતાં મોંઘા હોય છે. આથી, એવી પોલિસી પસંદ કરવાની ભલામણ કરવામાં આવે છે જે તૃતીય-પક્ષ વીમા કવરને બદલે વાહનને સંપૂર્ણપણે વીમા કવર કરશે, જે માત્ર તૃતીય-પક્ષ વ્યક્તિ, વાહન અથવા મિલકતને થતા કોઈપણ નુકસાનને આવરી લેશે. ઉપરાંત, વ્યાપક વીમા સુરક્ષા માટે વીમા કંપનીઓ દ્વારા ઓફર કરવામાં આવતા વધારાના વીમા સુવિધાઓ માટે તપાસો.
નહિવત ઘસારાની વીમા સુવિધા:
ઇલેક્ટ્રિક વાહનના કોમ્પોનન્ટ હાઈ-એન્ડ ટેકનોલોજીનો ઉપયોગ કરીને બનાવવામાં આવે છે અને તેની કિંમત વધુ હશે. વીમાના દાવા દરમિયાન શૂન્ય ઘસારાનું વધારાનું વીમા કવરેજ ફાયદાકારક બને છે કારણ કે ઘસારાના આધારે ગણતરી કરેલ રકમ માફ કરવામાં આવે છે અને નુકસાનને કારણે થયેલ સંપૂર્ણ રકમ ચૂકવવામાં આવે છે.
સ્થાન અને પ્રીમિયમ પરની અસર:
વીમા પોલિસી ઉતરાવવા દ્વારા વાહનનો પ્રકાર અને સ્થાન સીધું જ જાણી શકાય છે. દાખલા તરીકે, જો અમુક સ્થળોએ વાહન અથવા બેટરી જેવા વાહનના કોમ્પોનન્ટની ચોરી થવાની સંભાવના હોય, તો પ્રીમિયમ વધારે હોઈ શકે છે.
વીમાનું જાહેર કરેલું મૂલ્ય:
વિવિધ વીમા કંપનીઓ વિવિધ વીમા મૂલ્યો (IDV) ઓફર કરે છે. તમે IDV તપાસો તે પહેલાં, તેની વર્તમાન બજાર કિંમતનું મૂલ્યાંકન કરો. જ્યારે તમે ઇલેક્ટ્રિક વાહન વીમા પૉલિસીઓની ઓનલાઈન સરખામણી કરો છો, ત્યારે ખાતરી કરો કે તમે એવા વીમાદાતાની શોધ કરો છો જે બજાર મૂલ્યની સૌથી નજીકની IDV ઑફર કરે છે.
પે એઝ યુ ડ્રાઇવ’ (PAYD) વધારાની વીમા સુવિધા: ઇલેક્ટ્રિક કાર સામાન્ય રીતે શહેરની અંદર ચલાવવામાં આવે છે અને તેથી ઇંધણવાળી કારની તુલનામાં ઓછી ચલાવવામાં આવે છે. PAYD એક વર્ષમાં ઓછી ચલાવવામાં આવતી હોય તેવી કાર માટે ગ્રાહકોને ઓછા પ્રીમિયમનો લાભ આપે છે ખાતરી કરો કે તમે આ વીમા કવર ઓફર કરનારની તપાસ કરો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે