7th Pay Commission: સરકારી કર્મચારીઓ માટે ખુશખબરી! 11 ટકા વધ્યું DA, મળશે 2 મહિનાનું એરિયર

ગુજરાતના સરકારી કર્મચારીઓનું DA વધ્યું
ગુજરાત સરકારના કર્મચારીઓનું વધેલું મોંઘવારી ભથ્થું પણ 1 જુલાઇ 2021 થી લાગૂ ગણવામાં આવશે. આ વધારા બાદ ગુજરાત સરકારના કર્મચારીઓ અને પેંશનધારકોને મોંઘવારી ભથ્થું 17 ટકા વધારીને 28 ટકા થઇ ગયું છે. એટલે કે કેંદ્ર સરકાર અને ગુજરાત રાજ્યના કર્મચારીઓનું મોંઘવારી ભથ્થું એક સમાન થઇ ગયું છે. 

PPF Account: તમારા બેંક ખાતમાં આવી જશે 15 લાખ રૂપિયા, બસ કરી લો આ નાનકડું કામ

9.61 લાખ કર્મચારીઓ, 4.5 લાખ પેંશનર્સને ફાયદો
મોંઘવારી ભથ્થામાં આ વધારાનો ફાયદો રાજ્યના સરકારી અધિકારીઓ, કર્મચારીઓ, પંચાયત અધિકારીઓ, કર્મચારીઓ અને પેંશનર્સને થશે. ગુજરાતના ડેપ્યુટી સીએમ નિતિન પટેલે મીડિયા સાથે વાતચીત કરતાં તેની જાહેરાત કરી. રાજ્યના કર્મચારીઓને મોંઘવારી ભથ્થામાં વધારાનો ફાયદો તેમને સપ્ટેમ્બરની સેલેરીથી જ મળશે. નિતિન પટેલે કહ્યું કે મોંઘવારી ભથ્થામાં વધારાનો ફાયદો 9.61 લાખ રાજ્ય સરકાર અને પંચાયતના કર્મચારીઓને થશે. આ સાથે જ 4.5 લાખ પેન્શનધારકોને પણ તેનો ફાયદો મળશે. 

ઓક્ટોબરમાં CNG અને PNG ના ભાવમાં થશે વધારો, જાણો કેટલી વધશે કિંમત

એટલું જ નહી , ગુજરાત સરકારે સરકારી હોસ્પિટલોમાં કામ કરી રહેલા ડોક્ટરો અને ગુજરાત મેડિકલ એજ્યુકેશન એન્ડ રિસર્ચ સોસાયટી (GMERS) મેડિકલ કોલેજોના શિક્ષકો માટે સાતવા પગાર પંચની ભલામણો અનુસાર , નોન પ્રેક્ટિકલ એલાઉન્સ (NPA) ને લીલીઝંડી આપી છે. 

બે મહિનાનું એરિયર મળશે
DA માં 11%  ના વધારાથી સરકારી ખજાના પર દર મ્હિને 378 કરોડ રૂપિયાનો ખર્ચ વધશે. ગુજરાતના ડેપ્યુટી સીએમ નિતિન પટેલે એ પણ જણાવ્યું કે સપ્ટેમ્બર DA પણ આવશે. જુલાઇનું એરિયર ઓક્ટોબરના પગારમાં સાથે આવશે અને ઓગસ્ટ નું એરિયર આગામી વર્ષે જાન્યુઆરીમાં મળશે. જ્યારે સપ્ટેમ્બરનું વધેલું DA આ મહિનાના પગાર સાથે મળી જશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube