દેશની મહિલાઓ હવે આત્મનિર્ભર બની રહી છે. તે દરેક ક્ષેત્રમાં પુરુષો સાથે ખભે ખભા મિલાવીને ચાલી રહી છે. પછી તે શિક્ષણ ક્ષેત્ર હોય કે ખેતી. પરંતુ આજે અમે એક એવી આત્મનિર્ભર મહિલા વિશે વાત કરવા જઈ રહ્યા છીએ જે ગાયના પાલનથી લાખો રૂપિયા કમાઈ રહી છે. આજે આ મહિલા પાસે 40 થી વધુ ગાય છે અને તે દરરોજ 600 લીટરથી વધુ દૂધનું ઉત્પાદન કરી રહી છે. ખાસ વાત એ છે કે આજે અન્ય લોકો પણ આ મહિલા પાસેથી પ્રેરણા લઈને ગાય પાલન કરી રહ્યા છે. ગુજરાતમાં દૂધ પાલન એ સૌથી મોટો વ્યવસાય છે. ગુજરાતની મહિલા ખેડૂતો લાખો રૂપિયાનું દૂધ ભરાવે છે.
આ મહિલા ખેડૂતનું નામ રાજેશ્વરી છે અને તેની ઉંમર 43 વર્ષ છે. રાજેશ્વરી કર્ણાટકના તુમકુરુ જિલ્લાના દુષ્કાળગ્રસ્ત કોરાટાગેરે તાલુકાની રહેવાસી છે. તેમણે ડેરી ક્ષેત્રે સફળતાની ગાથા લખી છે. રાજેશ્વરીએ પાંચ વર્ષ પહેલા માત્ર 5 ગાયો સાથે ડેરી ફાર્મિંગ શરૂ કર્યું હતું. આજે, રાજેશ્વરીએ ખંતપૂર્વક તેમના ફાર્મને એક સમૃદ્ધ ઉદ્યોગમાં પરિવર્તિત કર્યું છે, જેમાં હવે 46 ગાયો છે. આ ગાયો દરરોજ 650 લિટર દૂધ આપે છે. ડેરી ક્ષેત્રમાં તેઓની સિદ્ધિઓ માટે, ભારતીય ડેરી એસોસિએશન (IDA) એ ગયા અઠવાડિયે બેંગલુરુમાં તેમને શ્રેષ્ઠ મહિલા ડેરી ફાર્મર એવોર્ડથી સન્માનિત કર્યા.
વર્ષ 2019માં ગાય ઉછેરની શરૂઆત કરી
રાજેશ્વરીની સક્સેસ સ્ટોરી 2019માં શરૂ થઈ, જ્યારે 39 વર્ષની ઉંમરે તેણે ઘરે ગાયનું પાલન કરવાનું શરૂ કર્યું. જો કે, આ માર્ગ પડકારોથી ભરેલો હતો, જેમાં ઘાસચારાના પુરવઠાથી લઈને પશુ ચિકિત્સા સંભાળની વ્યવસ્થા કરવી સામેલ હતી. ખાસ વાત એ છે કે કોરાટેજ દુષ્કાળગ્રસ્ત વિસ્તાર છે. અહીં ચારા અને પાણીની અછત છે. આમ છતાં રાજેશ્વરીએ ગાય ઉછેર કરવાનું નક્કી કર્યું. તેણે છ એકરના પ્લોટમાં મકાઈ અને કપાસના બીજની ખેતી કરવા માટે પડોશી ખેડૂતો પાસેથી લીઝ પર જમીન લીધી અને પશુઓ માટે લીલો ચારો અને અનાજ પૂરું પાડવા માટે તેની ખેતી કરી. આનો તેમને સારો ફાયદો થયો.
દર મહિને 7 લાખ રૂપિયાની કમાણી
રાજેશ્વરીએ કહ્યું કે સખત મહેનત અને ગુણવત્તાયુક્ત ઘાસચારાની ખેતીને કારણે નફાનું પ્રમાણ ધીમે ધીમે વધવા લાગ્યું. આ પછી તેણે ધીરે ધીરે ગાયોની સંખ્યા વધારવાનું શરૂ કર્યું. તેમની પાસે જર્સી અને હોલ્સ્ટેઈન ફ્રિઝિયન જાતિની ગાયો છે, કારણ કે તેઓ તેમની ઉચ્ચ દૂધ ક્ષમતા માટે જાણીતી છે. રાજેશ્વરીએ જણાવ્યું કે આજે મારી પાસે 46 ગાયો છે. રાજેશ્વરીનું ફાર્મ કર્ણાટક મિલ્ક ફેડરેશન (KMF)ને દરરોજ 650 લિટર દૂધ સપ્લાય કરે છે, જેનાથી માસિક રૂ. 7 લાખની આવક થાય છે.
ચાર જેટલા કામદારોને કામે રાખ્યા
તેમણે તેમની ગાયોની યોગ્ય સંભાળ અને જાળવણી માટે ચાર જેટલા કામદારોને કામે રાખ્યા છે. રાજેશ્વરીએ કહ્યું કે કર્મચારીઓના પગારની સાથે મારે ઉનાળામાં માંડ્યા અને આસપાસના જિલ્લામાંથી ઘાસચારો ખરીદવાનો પણ ખર્ચ કરવો પડે છે. પરંતુ ચોમાસામાં, આ ખર્ચાઓનું ધ્યાન રાખવામાં આવે છે, કારણ કે અમે અમારી ભાડે લીધેલી જમીન પર ઘાસચારાની ખેતી કરીએ છીએ. રાજેશ્વરીની સિદ્ધિઓને બે કન્નડ રાજ્યોત્સવ તાલુકા-સ્તરના પુરસ્કારો, છ KMF તાલુકા-સ્તરના પુરસ્કારો અને ડેરી ફાર્મિંગમાં સર્વશ્રેષ્ઠ મહિલા તરીકે ચાર જિલ્લા-સ્તરના સન્માન મળ્યા છે.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે